كيف يكون الأغراء ؟ بالمفهوم الصحيح
صفحة 1 من اصل 1
كيف يكون الأغراء ؟ بالمفهوم الصحيح
الناس واخده فكره غلط عن الاغراء ... فاكرين أن الاغراء فى قلع الهدوم
جربت أغراء الفول بالزيت و الكمون و اغراء البصل الاخضر و اللمون و المخلل ؟
- جربت اغراء صوت العصافير على الشجره اللى جمب البلكونه الصبح بدرى ؟
- جربت اغراء انك تتمشى الصبح قبل طلوع الشمس و تشوف الحياه لسه مولوده جديده ..
و القطط و الكلاب فى الشارع لسه بريئه .. و صاحيه من النوم ..قبل ما تتجنن مع حركه الناس ؟
- جربت اغراء السرير ... بعد ما تقوم من النوم ؟
- جربت اغراء القهوة و صوت فيروز الصبح بدرى؟
- جربت اغراء انك تفتح الرسايل بعد ما تقوم من النوم ...
و تلاقى قلب مرسوم او كلمتين حلوين .... من شخص بتحبه ؟
- جربت اغراء الابتسامه الصافيه على الصبح .. قبل ما الحرب تقوم و الزومبيز ينتشروا ؟
- جربت اغراء .. انك تكلم حد بتحبه الصبح بدرى ..
و تقوله انا حلمت بيك امبارح و تستمتع بشغفه و هو بيسمع التفاصيل ؟
- جربت اغراء فيلم عربى قديم زى فى بيتنا راجل .. تصحى تلاقيه شغال و يخلى يومك كلة ايجابيه ؟
- جربت اغراء لما تسلم على حد تلاقى ايديه دافيه و تحس بروحه فيها ؟
- انت عايش علشان تحس ....
يا ريت ما تفقدش قدرتك على الاحساس و التمييز ..
ده الفرق بينك و بين الميت !
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى